INEC ta kaddamar da zaben Kastina ta Arewa domin maye gurbin kujeran a majalisae dattawa

- Ana gudanar da wannan zabe ne sakamakon rasuwar Sanata Mustapha Bukar wanda ke wakiltan mazabar

- Mukaddashin shugaban kasa, Yemi Osinbajo, a ranan Alhamis ya garzaya Daura domin yakin neman zaben jam'iyyar APC

An fara zaben kujerar sanatan Katsina ta Arewa cikin zaman lafiya da lumana a kananan hukumomi 12 da ke karkashin mazabar a ya Asabar, 11 ga watan Agusta 2018.

NAIJ.com ta samu labarin cewa hukumar gudanar da zabe ta kasa mai zaman kanta wato INEC sun kaddamar da zaben kuma mutane sun fito kwansu da kwarkwatansu.

Game da cewar NAN, an fara tantance masu zabe misalin karfe 8:00 na safe kuma jami'an INEC sun isa da wuri.

Mutane sun fito kwansu da kwarkwatnsu domin zabe tsakanin yan gida daya dake takarar kujera daya. Kabir Babba Kaita na jam'iyyar PDP da kaninsa, Ahmad Babba Kaita na jam'iyyar APC

Wani dan jam'iyyar Peoples Democratic Party (PDP) ya yabawa hukumar INEC bisa ga isowarsu da wuri. Yace an fara zabe a unguwanni 148 da ke mazabar a lokaci daya.

Mazabar Katsina ta Arewa ya kunshi kananan hukumomi Daura, Maiadua, Zango, Sandamu, Baure, Mani, Mashi, Dutsi, Ingawa, Bindawa, Kankiya da Kusada.

Fitaccen dan wasan kwallon kafar nan na tawagar kungiyar kwallon kafa ta Najeriya watau Super Eagles mai suna Ahmad Musa ya bayyana matukar jin dadin sa da irin kyakkyawar tarbar da ya samu daga larabawan Saudiyya.

Idan ba'a manta ba fitaccen dan kwallon dai mai shekaru 25 a duniya ya sauya kungiyar kwallon sa ne ta Leicester City ya zuwa kungiyar kwallon Al-Nassr dake a kasar ta Saudiyya.

NAIJ.com ta samu cewa sai da jim kadan da saukar sa a kasar ta Saudiyya ne sai kawai cincirindon masoya kwallo musamman ma na sabuwar kungiyar ta sa suka zagaye shi suna murnar komawar tasa.

Mai karatu dai zai iya tuna cewa fitaccen dan wasan tauraruwar sa ta haska sosai a gasar cin kofin duniya da ya gabata a kasar Rasha inda ya samu zura kwallaye biyu ringis a lokacin da Najeriya ta kara da kasar Iceland.