Dalilin da yasa Ali Nuhu da Adam A. Zango suka daina gaba.

Ga duk mai bibiyar masana'antar Kannywood ya san cewa an daɗe ba a shiri tsakanin fitattun jaruman masana'antar wato Ali Nuhu da Adam A. Zango.

Jaruman dai sun ɗauƙi kusan wata shidda zuwa bakwai basu magana sakamakon wani ɗan ƙaramin saɓani da ya shiga tsakanin su. An daɗe ana jiran ranar da jaruman za su shirya amma a ka ji shiru. Ko da yake, wasu na ganin cewa daman yaran su ke haddasa fitina tsakanin su. Kwatsam a ranar  juma'ar da ta gabata, (Ranar Sallah) sai aka ci karo da hoton Ali Nuhu a shafin instagram na Adam A. Zango ya tayashi Barka da Sallah. Nan take ba a daɗe ba, sai shima jarumi Ali Nuhu ya ɗora hoton Adam A. Zango a shafinsa na instagram shi ma ya tayashi Barka da Sallah. (Karanta kuji yadda zaka samu dollar $150 a saukake a Internet batare da ko Naira, Amma masu android da computer )

Mabiyan jaruman na shafin instagram sun jinjinawa jaruman game da hotunan junansu da suka sanya. Wanda sanya wannan hotunan da su ka yi ana ganin cewa yanzu an kawo ƙarshen gabar da suka daɗe suna yi.