KannyWood:- Sarki Ali Nuhu Ya Cika Shekara 20 A Masana'antar Kannywood

Tauraron fina-finan Hausa, Ali
Nuhu, Sarki na murnar cika
shekaru 20 da fara yin fim a
masana'antar fina-finan Hausa
ta Kannywood. Alin ya kasance
a masana'antar fim din Hausa tun shekarar 1999.
Ali Nuhu ya fito a fina-finai da
dama da kuma bayar da
gudummawa sosai a
masana'antar Kannywood
wanda dalilin haka ne yasa ake kiranshi da sunan Sarki, ya
kawo jarumai da dama
masana'antar wanda kuma
suka daukaka, jarumai mata
irin su,
Rahama Sadau,
Nafisa Abdullahi, da sauransu duk sun bayyana cewa Ali nuhu ne ya
kawosu masana'antar.
Kusan indai a fim da Ali zaka ga
jama'a na matukar so su
kalleshi saboda irin farin jinin
da yake dashi da kuma
kwarewa a iya aiki.
Ali Nuhu ne na daya idan za'a jero fitattun jarumai na
masana'antar Kannywood, ya
dade tauraruwarshi na haskaka
wa kuma da alama bashi da
niyyar daina yin fim nan kusa.
Ali Nuhu na da mabiya sama da miliyan 1.5 a shafin Facebook
sannan yana da mabiya sama
da dubu 800 a shafin
Instagram, yana kuma da
mabiya sama da dubu 150 a
shafin Twitter. Kusan kowane jarumi yayiwa
Ali Nuhu baya'a da cewa
shine sarkin Kannywood.
Muna tayashi murna da fatan
Allah ya kara daukaka Ameen
Kuci gaba da Ziyarto
Wannan shafin mai Albarkaa Domin samun Labarai
a Koda yaushe